24Mar

Lokun á almennri starfsemi vegna Covid-19


Til viðskiptavina okkar:

Frá og með morgundeginum mun nánast öll okkar starfsemi leggjast af.
Við munum einungis sinna þeim sem þurfa bráðameðferðar við.
Allar aðrar meðferðir sem geta beðið í nokkrar vikur munu bíða.
Allir hóptímar munu falla niður auk þess sem lokað verður á það að fólk sem á æfingakort geti komið í salinn um sinn.
Skv. Sóttvarnalækni megum við áfram sinna sjúkraþjálfun sem er nauðsynleg vegna endurhæfingar með skilyrðum um öflugar sóttvarnir.
Þeir sem þurfa á bráðameðferð að halda eru beðnir um að senda tölvupóst á asta@eflingehf.is og við munum hafa samband.
Afgreiðslan hjá okkur mun verða opin eftir þörfum eftir þessa viku.
Við vonum að viðskiptavinir sýni þessu skilning.

Starfsfólk Eflingar.

 

02Mar

Nýtt námskeið í meðgöngusundleikfimi hefst mánudaginn 9. mars

 

 

Þjálfun í vatni er ein besta hreyfing sem konur geta stundað á meðgöngu.

Námskeið í meðgöngusundleikfimi hefst mánudaginn 9. mars í sundlaug Akureyrar (innilaug). 

Námskeiðin eru fjórar vikur og kennt er á mánudögum og miðvikudögum frá kl 16:10-17:05.

Verð: 15.000 kr

Námskeiðin henta konum á öllum stigum meðgöngu og eftir fæðingu.

Umsjón með meðgöngusundinu hafa sjúkraþjálfarar á Eflingu sjúkraþjálfun, Soffía Einarsdóttir, Þóra Hlynsdóttir, Iðunn E. Bolladóttir og Unnur Lilja Bjarnadóttir

Nánari upplýsingar og skráning á netfanginu medgongusund@eflingehf.is