19Oct

Reglubreytingar næstu 2 vikur vegna Covid

Eftirfarandi reglur munu gilda hjá okkur næstu tvær vikurnar:
Grímuskylda, börn 12 ára og yngri eru undanþegin. Allir aðrir þurf að bera andlitsgrímu inni á stöðinni.
Allir hóptímar falla niður næstu tvær vikurnar.
Lokað verður fyrir þá sem eru að þjálfa á æfingakorti.
Áhersla er áfram lögð á handþvott, sprittun handa, sótthreinsun snertiflata og að passa upp á fjarlægðarmörk.
Við leggjum áherslu á að geta sinnt almennri sjúkraþjálfun áfram og því grípum við til þessara aðgerða til að takmarka flæði inn á stöðina.
Með von um að viðskiptavinir sýni þessu skilning. Við munum opna aftur fyrir þessa þjónustu eins fljótt og hægt er miðað við aðstæður.
22Apr

Fjarmeðferð í sjúkraþjálfun

Fjarmeðferð í sjúkraþjálfun – góð viðbót við þjónustu Eflingar.

Við erum stolt af því að geta bætt þjónustu okkar og bjóðum nú upp á fjarmeðferð í sjúkraþjálfun.
Sjúkraþjálfarar okkar eru allir komnir með tilskilin leyfi til að geta boðið upp á þessa þjónustu á öruggan máta í gegnum samþykktan hugbúnað.
Það er gaman að segja frá því að tveir sjúkraþjálfarar hjá Eflingu standa á bak við þróun þessa kerfis ásamt fleirum.

Hægt er að panta tíma í gegnum netfangið efling@eflingehf.is
en einnig er hægt að hringja í s. 461-2223 frá kl. 8-12 alla virka daga

Fjarmedferd.is

17Apr

Við opnum aftur fyrir almennar meðferðir 04. maí.

Viðskiptavinir athugið.
Við stefnum á að opna aftur fyrir almenna sjúkraþjálfun þann 4. maí.
Sjúkraþjálfarar okkar munu hafa samband við sína skjólstæðinga á næstu dögum og bjóða þeim tíma.
Aðrir sem eru að bíða eftir að komast að í sjúkraþjálfun munu fá símhringingu um leið og tímar losna
hjá okkur.
Við munum ekki opna strax fyrir hóptímana okkar og eins verður ennþá lokað fyrir þá sem eru með
æfingakort í salinn. Skoðum þetta betur eftir miðjan maí.
Við þökkum þolinmæðina og skilninginn á þessum skrítnu tímum og hlökkum til að sjá ykkur aftur.
Starfsfólk Eflingar.

24Mar

Lokun á almennri starfsemi vegna Covid-19


Til viðskiptavina okkar:

Frá og með morgundeginum mun nánast öll okkar starfsemi leggjast af.
Við munum einungis sinna þeim sem þurfa bráðameðferðar við.
Allar aðrar meðferðir sem geta beðið í nokkrar vikur munu bíða.
Allir hóptímar munu falla niður auk þess sem lokað verður á það að fólk sem á æfingakort geti komið í salinn um sinn.
Skv. Sóttvarnalækni megum við áfram sinna sjúkraþjálfun sem er nauðsynleg vegna endurhæfingar með skilyrðum um öflugar sóttvarnir.
Þeir sem þurfa á bráðameðferð að halda eru beðnir um að senda tölvupóst á asta@eflingehf.is og við munum hafa samband.
Afgreiðslan hjá okkur mun verða opin eftir þörfum eftir þessa viku.
Við vonum að viðskiptavinir sýni þessu skilning.

Starfsfólk Eflingar.